唔返工好似好廢咁 ?

聚會中朋友總是訴說她們現時工作得如何"無癮"又羡芝蛋治閒時可學習畫畫研習手工藝 ….其實人到中年都不愁基本衣食,芝蛋治便問她們有沒有考慮轉換職場甚至退出職場找尋自己想要的生活得來的答案是 :

朋友A : 我都諗過辭職但喺我唔似你我無咩興趣擔心唔做嘢之後會好悶

朋友B : 我啲仔女都升中佢哋都唔駛我陪我唔返工覺得人生無意義

朋友C : 我唔知唔返工可以做啲咩唔返工好似好廢咁

芝蛋治完全理解這班朋友的心態香港人被訓練成為一隻辛勞的工蜂工作的DNA實在太強

芝蛋治這代人上中三選了文商後就沒有了美術課工藝課音樂課甚至體育課時間也會用來補習其他學科應付會考努力讀書只為未來找到工作一切對公開試沒用的知識文化我們就是在一個培養工蜂的社會長大唯一懂的便是"返工"錢。就算我們已經不愁衣食每日不按時"返工"居然會自覺好懶好廢說來也可悲

後記 : 朋友常以為芝蛋治已退休芝蛋治只是轉了一份超hea筍工還未織好被動現金流的安全網都要靠出賣時間換金錢芝蛋治就算辭了職只是不幹困身的受薪工作並不代表退休現正努力裝備中

留言

  1. 大象由細到大被腳鍊鎖住,到大咗已有能力走。。哈哈哈
    以佢哋的認知,到退休時咪係危機的開始。

    回覆刪除
    回覆
    1. 所以很多人退休之後,適應唔到生活,變得悶悶不樂。

      刪除
  2. 其實超hea嘅工,如果冇壓力,做到八十歲都得呀!同退咗休其實冇分別! 我都搵緊類似咁嘅工! 有啲工呢上班就等落班,中間不斷可以玩電話,你話幾好呢😍😍😍

    回覆刪除
    回覆
    1. 雖然超HEA,但始終每日被困8個鐘,我打算做多兩年唔做,累積下啲錢先,因為有其他嘢想做。

      刪除

張貼留言

這個網誌中的熱門文章

牙痛到不得鳥 ,因為油拔法

香港,平行時空!

收錢喇!就嚟⋯⋯